Հուլիսի 17-ին Երևանի Կամերային երաժշտության տանը կայացավ Mystery Ensemble-ի «Վ. Ա. Մոցարտ. Փոքրիկ գիշերային սերենադ» ծրագրի հայաստանյան պրեմիերան։
Երեկոյի կենտրոնում Մոցարտի հանրահայտ «Փոքրիկ գիշերային սերենադն» էր՝ ստեղծագործություն, որի հստակությունը, նրբագեղությունն ու ռիթմիկ կենսունակությունը այն դարձրել են դասական երաժշտության ամենաճանաչելի գործերից մեկը։ Ծրագրում ընդգրկված էին նաև Մոցարտի ֆա մաժոր, ռե մաժոր և սի-բեմոլ մաժոր դիվերտիսմենտները։
Այս ծրագրի հայաստանյան պրեմիերայով մենք Մոցարտին ներկայացրինք ոչ թե որպես հեռավոր անցյալի հեղինակ, այլ որպես կոմպոզիտոր, որի երաժշտությունը մինչ օրս հնչում է կենդանի, թեթև և ինքնաբուխ։
